الحمد لله مر أعصار فيت على سلطنة عمان بخير من غير أى أضرار مش بس كده ولكن بالخير لأنه عندهم كثرة الامطار خير وبركهمن ثلاث سنوات جاء أعصار جونو بهدل البلد مع أنه مكنش مفاجأه وكانوا بيحاولوا يتفادو أضراره وكان تدميره للبلد غير متوقع
مقعدوش يندبوا حظهم وحطوا ايدهم على خدهم وفكروا لو جه مره تانيه أعصار هيكون أيه الموقف لازم الحيطه من لحظة انتهاء الازمه
موفقوش على أى أعانه من أى بلد وقالوا هنبنى بلدنا بأدينا وفى خلال كام شهر مش كام سنة بنوا الجسور والطرق مش بس كده ولكن بطريقه ممكن تقاوم أى أعصار مدمر فى المستقبل رغم ان ده كان احتمال ضعيف ورجعت البلد أجمل مما كانت
عندهم أداره موفقة فى أدارة الأزمات والناس هناك بيلتزموا بالتعليمات وبيحترموا القوانين
المواطن والمقيم هناك مهم جدا وتمنه غالى قوى سمعت المذيع المتألق خالد الزدجالى وهو يدير الازمه من خلال شاشة التلفزيون اى شئ ممكن يتعوض الا أرواح المواطنين والمقيمين والدفاع المدنى كان متفانى فى أنقاذ الارواح
بلد ربنا أعطاها جمال فى الطبيعة اللى انعكست على أرواح أهلها وجعلت الجمال داخل قلوبهم وعامره بالطيبه ربنا يحميهم من كل سوء
هناك 8 تعليقات:
في سلطنة عمان ظهرت حضارة ال3000 سنة في الأزمات وادارتها بكفائه لغاية لما تمر على خير زي الاعصار الأخير
وحشاني يا حنين بجد
تسلمي وتسلم موضوعاتك يا جميلة
أهلا بيك ياليدى
هما حضارة ال 3000 سنة بيقدرو يعملوا اللى مبتقدرش حضارة 7000 تعمله
الناس هناك بيرحبو بينا واول رساله بتيجى على الموبيل أهلا بك فى بيتك
من مده مكتبتش لكن دايما كنت بعلق عندك
تسلمى وربنا يوفقك فى تخطى الانطاحانات
والنجاح بتفوق
اولا الحمد لله ان الاعصار خلص على خير بدون اضرار
ثانيا حمدالله على سلامتك هنا ف المدونة اللي وحشيتنا تكتبي فيها
ثالثا بقى عمان بلد جميله جدا وناسها طيبين ومن زمان جدا قرايبي اللى كانوا هناك بيشكروا فيها
للأسف ف مصر المواطن المصري ملوش حق ولا تمن ولا حتى ديه لو فيه مشكله مع واحد أجنبي .. وللأسف احنا بس بنقول 7000 سنة اجدادنا كانوا ..طيب احنا فين دلوقتي .. حتى احنا عايشين من تاريخهم مش من حاضرنا
ربنا يصلح الحال وايوه كدا ارجعي اكتبي من تاني :)
الحمد الله كل حاجه تعدى بس احنا نقول بسم الله ونعمل اللى علينا بجد عمان بلد رائع باهلها وفكرها الرائع
شكرا على المرور على مدونتى وبجد مدونتك رقيقه اواى حلوة جدا
ربنا معاكى ويوفقك على طول
gehad mousa
ايه الغيبه دى كلها
كل سنه وانتى طيبه يا حبيبتى
رمضان كريم عليكى وعلى كل حبايبك
يارب تكونى بالف خير
فراشة
اكيد دخلتى كتير تشوفى تعليقى ولأنى كنت مشغوله بصيف مكنتش بكتب وكمان علشان دايما الكمبيوتر مشغول وانتى عارفه بمين
معظم البلاد فيها نظام صارم يحمى المواطنين الغالين عندهم
فى مصر المصرى نفسه هو اللى ضايع قدر نفسه بالفساد والحقد والبطاله
ربنا يسهل ومغبش عنكو تانى
Gehad mousa
حقيقى عمان بلد طيبه بأهلها ونظامها فيها أماكن وكأنها جنه ربنا يحفظ لها امانهاوحامى حماها
شكرا لك على المجاملة اللطيفه
وان شاء الله ازورك كل سنة مرة
ليس فقيرا من يحب
هى الغيبه مش بيدى المفروض يكون كمبيوتر لكل لفرد فى العائله
كل سنة وانتى بألف خير
على فكره أحنا من برج واحد وكمان مكنتش بكمل كتاب غير لأحسان عبد القدوس ودلوقتى بقراء لكتب الشباب خصوصا المدونين
غقبال مقراء كتابك
إرسال تعليق