بعد عناء السفر الطويل وصل بلد مش عارف هو فين ولسه مرتاحش من السفر وجه راجل خده هو وصديقه وركبهم عربية تانى هيسافر هيروح فين مش عارف وهما ماشين سمع الراجل بيتكلم ويقول انه هيضحى بيهم اول يوم العيد وجابهم بدرى شويه علشان العيال يلحقوا يلعبو معاهم شويه قبل الاضحيه
كل خروف بص لتانى وقال يا خراشى هما جايبنا من الصومال وماشين كل الطريق ده علشان ندبح هنا
ونزلو من العربية على بيت سلالمه عاليه جدا تعبوا جدا من طلوع السلالم وأخيرا شافوا السطح والعيال طلعت وراهم علشان تلعب معاهم
والعيال تجرى والخرفان قدام لما تعبوا خالص
الاول فكر يهرب من العيال والدبح وقال انط من على الصور ومخدش باله انه فى الدور الخامس وطبعا نزل محطش منطق
التانى قال مش ممكن انط زيه ويحصلى كده انا هنزل زى ماطلعت وجرى على السلم ومحدش قدر يلحقه حوش ياعم واستخبى فى الغيط وبقى وحيد شريد تفتكرو قدر يهرب من قدره ولاادبح ؟!
هناك 7 تعليقات:
هههههههه
بوست جميل اوى بجد تسلم ايدك وبوست بجد مليان ضحك كل دى مواساه الخروف بجد اول مره يصعب عليا(:
ومن قلبى بجد مش هتبقى اخر مره وهاجى تانى كتير ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طو لالعمر وكل سنه وانتى بخير وطيبه وانتى احن واطيب وارق واجمل واحلى وروع واقرب من ربنا عن السنه اللى قبلها
يا حلاوه ايه دا انا اول كومنت يا حلاوتك يا عموره وانت فى روم الكومنتس كدا لوحدك بجد شكلى يجنن وانا لسه لوحدى كدا والله قمر هههههههه
ومن قلبى بجد بتمنلك تانى كل خير وسعاده
amirelhob
شكرا لك على المجامله
الحمد لله ان طلع بوست دمه خفيف
وكل عام وانت بخير
عارف ليه انت اول تعليق علشان محدش لسه يعرف مدونتى اللى مكملتش شهر وبدأت ببوست دمه تقيل
واحتمال تفضل لواحدك لغاية ماكتب بوست جديد
"كل خروف بص لتانى وقال يا خراشى هما جايبنا من الصومال وماشين كل الطريق ده علشان ندبح هنا "
هههههههههههههه ايه ده عرفتي منين سمعتيهم ولا ايه :) لا بس بجد الحتة دي ضحكتني اوي متخيلة الخروفين وهما بيقولوا يا خراشي :)
كل سنة وانتي بخير وصحة وسعادة يا جميلة
عيد سعيد
Lady E
بصى هو انا مسمعتش الخروف بيقول للخروف لكن تصرفه هو اللى فهمنى اللى حصل وكل لبيب بلاشاره يفهمو
كل عام وانت واسرتك بخير ونعمه
كل سنة وانتى طيبة
عيد سعيد
مع خالص تحياتى
ههههههههههههه كل سنه وانتي طيبه يا امورة وعيد سعيد عليكي
متهيالي هرب :)
إرسال تعليق